اسلام آباد(نیوز ڈیسک) اسلام آباد ہائیکورٹ نے عمران خان سیکیورٹی کی درخواست کا تحریری حکم نامہ جاری کردیا ، عدالت نے تھریٹس کا جائزہ لے کر سیکیورٹی فراہم کرنے کا حکم دیدیا ۔ تفصیلات کے مطابق اسلام آباد ہائیکورٹ کے چیف جسٹس عامر فاروق نے عمران خان کی سیکیورٹی واپس لینے کی درخواست پر سماعت کا تحریری حکم نامہ جاری کر دیا جس کے مطابق عدالت حکم دیا کہ عمران خان کو سیکیورٹی فراہم کرتے ہوئے حالیہ جان لیوا حملے اور تھریٹ لیول کو مدنظر رکھنا ضروری ہے، لگتا ہے سیکیورٹی اقدامات صرف کاغذوں کی حد تک ہیں، تھریٹ اسسمنٹ کمیٹی عمران خان کو تھریٹس کے لیول کا جائزہ لے کر سیکیورٹی فراہم کرے۔ تحریری حکم نامے میں عدالت نے کہا کہ پٹیشنر کے وکیل نے کہا عمران خان بطور سابق وزیرِ اعظم جس سکیورٹی کے حقدار ہیں، فراہم کی جائے، اسلام آباد آنے پر عمران خان کو سیکیورٹی نہیں دی جاتی۔عدالت نے کہا کہ عمران خان اپریل 2022 تک وزیرِ اعظم رہے، قانون کے مطابق سابق وزیرِ اعظم سیکیورٹی کے حقدار ہیں۔
