اسلام آباد(نیوز ڈیسک) وفاقی وزیر برائے مذہبی امور مفتی عبدالشکور کی نمازہ جنازہ ادا کردی گئی، مولانا فضل الرحمان، سابق وزیراعظم یوسف رضا گیلانی اہم سیاسی و سماجی شخصیات کی شرکت۔ تفصیلات کے مطابق اسلام آباد میں ٹریفک حادثے میں وفاقی وزیر برائے مذہبی امور مفتی عبدالشکور جاں بحق ہوگئے جن کی نمازہ جنازہ ادا کردی گئی،نماز جنازہ میں ارکان پارلیمنٹ سمیت علماء اور جے یو آئی کے کارکنان کی بڑی تعداد میں شرکت کی، طارق فضل چودھری اور دیگر ممبران نے بھی نماز جنازہ میں شرکت کی واضح رہے کہ مفتی عبدالشکور اسلام آباد میں میریٹ سے سیکریٹریٹ چوک کی طرف جا رہے تھے کہ شاہراہ دستور پر ایک گاڑی نے ان کی گاڑی کو ٹکر ماری جس کی وجہ سے وہ موقع پر ہی جاں بحق ہو گئے ، مفتی عبدالشکور کی نماز جنازہ دوپہر 2 بجے آبائی علاقے لکی مروت تاجبی خیل میں بھی ادا کی جائے گی۔
