اسلام آباد(نیوزڈیسک) ممنوعہ فنڈنگ کیس میں وفاقی تحقیقاتی ادارے (ایف آئی اے) نے پی ٹی آئی کے چیئرمین عمران خان کے طبی معائنے کے لئے میڈیکل بورڈ بنانے کی درخواست دائر کردی۔
ایف آئی اے کی جانب سے بینکنگ کورٹ اسلام آباد میں دائر درخواست میں عمران خان کے طبی معائنے کے لئے پولی کلینک یا پمز اسپتال کا بورڈ بنانے کی استدعا کی گئی ہے۔ایف آئی اے کی جانب سے موقف اختیار کیا گیا ہے کہ عبوری ضمانت ملنے کے بعد عمران خان رعایت کا غلط فائدہ اٹھا رہے ہیں اور عدالت میں پیش نہیں ہورہے ان کا مسئلہ آرتھوپیڈک کا ہے لیکن میڈیکل رپورٹ کینسراسپتال کی جمع کروا رہے جس کے سربراہ یہ خود ہیں ، ایسی میڈیکل رپورٹ کو معتبر تسلیم نہیں کرسکتے، عمران خان کا طبی معائنہ پمز یا پولی کلینک اسپتال سے کروایا جائے۔