اسلام آباد(اے بی این نیوز)صدر مملکت عارف علوی کی جانب سے پنجاب اور خیبرپختونخوا اسمبلیوں کے انتخابات کی تاریخ کے اعلان پر الیکشن کمیشن نے منگل کو اہم اجلاس بلالیا،صدر عارف علوی نے 9اپریل بروز اتوار پنجاب اور کے پی اسمبلیوں میں الیشکن کی تاریخ دے دی، صدر نے الیکشن ایکٹ 2017کے سیکشن 57ایک کے تحت انتخابات کی تاریخ کا اعلان کی ہے ، اس اعلان کے بعد الیکشن کمیشن نے اہم اجلاس طلب کرلیا ہے۔ ذرائع کے مطابق اجلاس میں صدر کی جانب سے انتخابات کی تاریخ کے اعلان کا جائزہ لیا جائے گا،اس حوالے سے ترجمان الیکشن کمیشن نے کہا ہے کہ صدر مملکت کی جانب سے لیٹر ملنے کے بعد الیکشن کمیشن قانون کے مطابق فیصلہ کرے گا۔