اسلام آباد (اے بی این نیوز) پاکستان نے چین کی مقامی کیپٹل مارکیٹ میں اپنا پہلا پانڈا بانڈ(Panda Bond) کامیابی سے جاری کر دیا ہے۔
اسلام آباد سے وزارت خزانہ کے مطابق، پاکستان نے 250 ملین ڈالر مالیت کا پانڈا بانڈ جاری کیا ہے، جس سے دنیا کی دوسری بڑی اور گہری کیپٹل مارکیٹ تک پاکستان کی پہلی باضابطہ رسائی ہے۔
وزارت خزانہ محمد اورنگزیب کے مطابق سرمایہ کاروں نے 1.26 بلین ڈالر سے زیادہ کا مطالبہ کیا، جس کے نتیجے میں ایشوز کو پانچ گنا سے زیادہ اوور سبسکرائب کیا گیا۔
وزارت خزانہ کے مطابق بانڈ کی سرمایہ کاری 2.5 فیصد کی انتہائی مسابقتی کوپن ریٹ پر کی گئی تھی، جس کے اجراء کی مانگ پاکستان کے تقریباً 1 بلین ڈالر کے پانڈا بانڈ پروگرام کے مجموعی ہدف سے زیادہ تھی۔
وزارت خزانہ کے مطابق یہ پیشرفت پاکستان کی معاشی بحالی اور اصلاحاتی ایجنڈے پر اعتماد کی عکاسی کرتی ہے۔
مزید پڑھیں:دوسرے ٹیسٹ سے قبل بنگلادیش کے دو اہم کھلاڑی ان فٹ
