سڈنی(نیوزڈیسک) آسٹریلوی ماہرین نے ویلنٹائنز ڈے کے موقع پر شادی کرنے والے جوڑوں کیلئے سخت وارننگ جاری کر دی۔غیر ملکی خبر رساں ایجنسی کے مطابق یونیورسٹی آف میلبرن کے ماہرین نے ویلنٹائنز ڈے پر ہونے والی شادیوں پر تحقیق کی تو پتہ چلا کہ ویلنٹائنز ڈے پر شادی کرنیوالے جوڑوں کی شادیاں زیادہ دیر نہیں چلتیں۔رپورٹ کے مطابق ویلٹائن ڈے پر بننے والے جوڑوں میں ایک سال کے اندرجدائی کاامکان سب سے زیادہ ہوتا ہے۔11 لاکھ شادیوں کا ڈیٹا اکٹھا کیا گیا جن میں سے 6 فیصد ویلنٹائنز ڈے پر ہوئی تھیں۔محقیقین کے مطابق دونوں طرح کی شادیوں اور میاں بیوی کے تعلقات کا تجزیہ کر کے نتائج مرتب کیے گئےجن سے معلوم ہوا کہ سال کے باقی دنوں میں ہونے والی شادیوں کی نسبت ویلنٹائنز ڈے پر ہونے والی شادیوں میں طلاق کی شرح 37 فیصد زیادہ تھی۔تحقیق کے بعد نوجوان جوڑوں کو ہدایت کی گئی کہ کبھی بھی ویلنٹائنز ڈے پر شادی نہ کریں کیونکہ اس روز ہونے والی شادی کے بہت جلد خاتمے سے دوچار ہونے کے امکانات بہت زیادہ ہوتے ہیں۔
