لاہور ( اے بی این نیوز )پنجاب اسمبلی میں مسلم لیگ ن کے چیف وہپ رانا ارشد کے بڑے بھائی رانا نواز انتقال کر گئے۔ خاندانی ذرائع کے مطابق رانا نواز جگر کے عارضے میں مبتلا تھے اور کافی عرصے سے اسپتال میں زیر علاج تھے، جہاں وہ جانبر نہ ہو سکے۔مرحوم کی نمازِ جنازہ ان کے آبائی علاقے شاہ کوٹ میں منگل کی دوپہر 2 بجے ادا کی جائے گی، جس کے بعد تدفین عمل میں لائی جائے گی۔ اہلِ علاقہ، سیاسی شخصیات اور عزیز و اقارب کی بڑی تعداد کی شرکت متوقع ہے۔
وزیر اعلیٰ پنجاب مریم نواز نے رانا ارشد کے بڑے بھائی کے انتقال پر گہرے دکھ اور افسوس کا اظہار کیا ہے۔ انہوں نے سوگوار خاندان سے تعزیت کرتے ہوئے مرحوم کے درجات کی بلندی اور لواحقین کے لیے صبر جمیل کی دعا کی۔ مریم نواز کا کہنا تھا کہ وہ اس دکھ کی گھڑی میں رانا ارشد اور ان کے اہل خانہ کے غم میں برابر کی شریک ہیں۔ انہوں نے اللہ تعالیٰ سے دعا کی کہ مرحوم کو جنت الفردوس میں اعلیٰ مقام عطا فرمائے اور اہل خانہ کو یہ صدمہ برداشت کرنے کی توفیق دے۔
مزید پڑھیں :یکم شعبان کب ہو گی، مرکزی رویت ہلال کمیٹی نے اعلان کر دیا،جا نئے تفصیلات
