لاہور (اے بی این نیوز ) پنجاب میں موسم سرما کی طویل چھٹیوں کے بعد اسکول کل 19 جنوری سے دوبارہ کھلیں گے۔وزیر تعلیم پنجاب رانا سکندر حیات نے اعلان کیا ہے کہ صوبے میں موسم سرما کی چھٹیوں میں مزید اضافہ نہیں کیا جائے گا اور تمام اسکول کل معمول کے مطابق کھول دیے جائیں گے۔
اعلامیہ کے مطابق اسکولوں کے اوقات کار صبح 8:45 سے دوپہر 1:30 تک ہوں گے۔واضح رہے کہ پنجاب کے اسکولوں میں موسم سرما کی چھٹیوں کا آغاز 20 دسمبر سے ہوا تھا اور ابتدائی طور پر یہ چھٹیاں 10 جنوری تک دی گئی تھیں۔ تاہم صوبے میں سردی کی شدت کے پیش نظر اسکولوں کی چھٹیوں کی مدت کو 18 جنوری تک بڑھا دیا گیا تھا۔ یوں 29 روز کی چھٹیوں کے بعد اسکولوں میں کلاسز کا آغاز 19 جنوری سے ہو گا۔صوبائی انتظامیہ نے والدین اور طلبہ سے درخواست کی ہے کہ اسکول کھلنے کے بعد بروقت حاضری یقینی بنائیں اور موسم کی سختی کے دوران حفاظتی اقدامات اپنائیں۔
مزید پڑھیں :پی ٹی آئی کا 8 فروری کو ممکنہ ملک گیر احتجاج،حکومتی تیاریاں شروع
