اسلام آباد (اے بی این نیوز    ) وفاقی سیکرٹری مذہبی امور کی زیر صدارت نصاب کمیٹی برائے تربیت حجاج کا اجلاس ہوا جس میں عازمین حج 2026 کے لیے تربیتی پروگرام کے آغاز پر بات چیت کی گئی۔ وفاقی سیکرٹری مذہبی امور کے مطابق یہ پروگرام یکم جنوری سے شروع ہوگا اور ایک روزہ تربیتی سیشن میں شرکت ہر حاجی کے لیے لازمی ہے۔

ڈاکٹر سید عطاء الرحمن نے کہا کہ عازمین حج کو اپنے شیڈول کے مطابق تربیتی پروگرام میں شرکت کرنا ہوگی تاکہ مناسک اور انتظامی امور سے مکمل آگاہی حاصل ہو سکے۔ تربیتی شیڈول کی اطلاع پاک حج 2025 موبائل ایپ، ویب سائٹ اور SMS کے ذریعے فراہم کی جائے گی۔

وزارت مذہبی امور اور حاجی کیمپوں کے تجربہ کار ماسٹر ٹرینرز اور علما ملٹی میڈیا کے ذریعے تربیت فراہم کریں گے۔ اجلاس میں جوائنٹ سیکرٹری احمد ندیم خان نے بریفنگ دی جبکہ ڈپٹی سیکرٹری ناصر عزیز خان، فہد احمد، رانا محمد مجاہد اور دیگر ماسٹر ٹرینرز بھی شریک ہوئے۔

مزید پڑھیں  :پی ٹی آئی کی جانب سے مذاکرات کے لیے متعدد بار کوششیں کی گئیں، حکومت کی طرف سے کوئی جواب موصول نہیں ہوا،علی بخاری