لاہور( اے بی این نیوز          )شدید دھند کے باعث موٹر وے ایم 3 درخانہ سے رجانہ تک ٹریفک کے لیے بند کر دی گئی ہے۔ ترجمان موٹر وے پولیس کے مطابق موٹر وے ایم 4 گوجرہ سے ملتان تک جبکہ موٹر وے ایم 5 ملتان سے ظاہر پیر تک بھی دھند کے باعث بند ہے۔ترجمان نے کہا کہ موٹرویز کی بندش کا مقصد عوام کی جان و مال کا تحفظ یقینی بنانا ہے۔ دھند کے دوران لین کی خلاف ورزی خطرناک حادثات کا سبب بن سکتی ہے، اس لیے روڈ یوزرز لین ڈسپلن پر سختی سے عمل کریں۔

موٹر وے پولیس نے شہریوں کو ہدایت کی ہے کہ دھند کے موسم میں دن کے اوقات میں سفر کو ترجیح دیں، جبکہ صبح 10 بجے سے شام 6 بجے تک سفر نسبتاً محفوظ رہتا ہے۔ ڈرائیور حضرات فوگ لائٹس کا لازمی استعمال کریں، تیز رفتاری سے گریز کریں اور آگے چلنے والی گاڑی سے مناسب فاصلہ رکھیں۔ترجمان کے مطابق کسی بھی رہنمائی یا مدد کے لیے موٹر وے پولیس کی ہیلپ لائن 130 پر رابطہ کیا جا سکتا ہے۔

مزید پڑھیں :سرکاری ملازمین کا الائونس ڈبل کر دیا گیا،جا نئے کس کس کو کو فائدہ پہنچے گا