سرگودھا (اے بی این نیوز) کسٹمز انفورسمنٹ سرگودھا نے کارروائی کرتے ہوئے 119 ملین روپے سے زائد کا سامان قبضے میں لے لیا۔
فیڈرل بورڈ آف ریونیو (ایف بی آر) کے ایک بیان کے مطابق، کارروائیوں میں 72.4 ملین روپے سے زائد مالیت کے 584 غیر ملکی موبائل فون ضبط کیے گئے ہیں۔
ملزم سے 67 ملین روپے مالیت کی نان کسٹم پیڈ گاڑی بھی قبضے میں لے لی گئی ہے۔
اے ایس او میانوالی نے مختلف کارروائیوں میں غیر ملکی شیشہ، چھالیہ، نسوار اور سگریٹ قبضے میں لے لی، پکڑے گئے سمگل شدہ سامان کی مالیت 28 ملین روپے کے لگ بھگ ہے۔
اے ایس او فیصل آباد نے ایک کروڑ روپے سے زائد مالیت کے اسمگل شدہ اخروٹ کی کھیپ بھی قبضے میں لے لی ہے۔
ضبط شدہ سامان کو تحویل میں لے کر کسٹم ایکٹ 1969 کے تحت قانونی کارروائی شروع کر دی گئی ہے۔
مزید پڑھیں:ڈرائیونگ لائسنس کے حوالے سے قرارداد جمع
