اسلام آباد ( اے بی این نیوز )قومی اسمبلی میں اپوزیشن لیڈر کی نشست کا معاملہ۔ قومی اسمبلی اپوزیشن لیڈر کیلئے محمود خان اچکزئی کا نام دیا گیا تھا۔ حکومت نے محمود خان اچکزئی کے نام پر اعتراض اٹھاتے ہوئے چیف وہیپ عامر ڈوگر کو خط لکھ دیا۔ پاکستان تحریک انصاف اپوزیشن لیڈر کے لئے محمود خان اچکزئی کے نام پر قائم رہنے کا فیصلہ ۔ عامر ڈوگر نے کہا کہ پی ٹی آئی چیئرمین بیرسٹر گوہر سے مشاورت کے بعد خط کا جواب دیا جائے گا۔
ہمارا اپوزیشن لیڈر کیلئے محمود خان اچکزئی کا نام فائنل ہے۔ بانی تحریک انصاف سے مشاورت کے بعد محمود خان اچکزئی کا نام دیا گیا تھا۔ اپوزیشن لیڈر کیلئے محمود خان اچکزئی کا نام تبدیل نہیں کیا جائے گا۔ گزشتہ دو ماہ سے اپوزیشن لیڈر کی نشست خالی ہے جس دوران ستائیسویں ترمیم کو پاس کرایا گیا۔
محمود خان اچکزئی آئینی طور پر اسمبلی کا حصہ ہیں انکے نام پر اعتراض کا کوئی جواز نہیں۔ یہ ہمارا آئینی حق ہے اس میں حکومت کو تاخیر نہیں کرنی چاہیئے۔ اس نام پر بانی تحریک انصاف سے مشاورت ہو چکی، دوبارہ مشاورت نہیں ہو گی۔
مزید پڑھیں :ضمنی انتخاب کب ہو گا،جا ئیے تاریخ کا اعلان کر دیا گیا
