سڈنی (اے بی این نیوز)ویرات کوہلی ون ڈے کرکٹ میں سب سے زیادہ رنز بنانے والے دوسرے کھلاڑی بن گئے۔بھارت کے اسٹار بیٹر ویرات کوہلی نے ون ڈے انٹرنیشنل کرکٹ میں ایک اور اہم سنگ میل عبور کر لیا۔

آسٹریلیا کے خلاف سڈنی کرکٹ گراؤنڈ میں کوہلی نے تیسرے اور آخری ون ڈے میچ کے دوران 71 رنز بنانے کے بعد سابق سری لنکن بیٹر کمارا سنگاکارا کو پیچھے چھوڑ دیا۔

کوہلی نے 81 گیندوں پر 74 رنز کی میچ وننگ اننگ کھیلی ، اس اننگ کیساتھ انہوں نے سابق سری لنکن کپتان سنگاکارا کو پیچھے چھوڑتے ہوئے ون ڈے انٹرنیشنل کی تاریخ میں سب سے زیادہ رنز بنانے والے دوسرے بیٹر بن گئے۔

کوہلی اب تک 57.71 کی اوسط سے 305 میچوں میں 14,255 رنز بنا چکے، جس میں 75 نصف اور 51 سنچریاں شامل ہیں۔سنگاکارا اس فہرست میں اب تیسرے نمبر پر آ گئے ہیں جنہوں نے 404 میچوں میں 14,234 رنزبنائے ہیں، جن میں 93 نصف سنچریاں اور 25 سنچریاں شامل ہیں۔

واضح رہے کہ ون ڈے کرکٹ میں سب سے زیادہ رنز بنانے کا عالمی ریکارڈ سابق بھارتی کرکٹر سچن ٹنڈولکرکے پاس ہے، جنہوں نے 463 میچوں میں 18,426 رنز بنائے ہیں، ٹنڈولکر نے اپنے ون ڈے کیریئر میں 96 نصف سنچریاں اور 49 سنچریاں بنائیں۔
مزید پڑھیں: ہیڈ کوچ ویمن کرکٹ ٹیم محمد وسیم کو عہدے سے ہٹانے کا فیصلہ