لاہور( اے بی این نیوز)پاکستان کرکٹ ٹیم کے اوپنر صاحبزادہ فرحان نے سال 2025 میں 1500 ٹی ٹوئنٹی رنز مکمل کر لیے ہیں۔
انہوں نے ٹی ٹوئنٹی ایشیا کپ کے سپر فور مرحلے میں سری لنکا کے خلاف 15 گیندوں پر 24 رنز بنائے، وہ آؤٹ ہونے سے قبل یہ سنگ میل عبور کر چکے تھے۔
صاحبزادہ فرحان نے سال 2025 میں 35 اننگز کھیل کر 1500 رنز مکمل کیے، وہ ایک سال میں ٹی ٹوئنٹی کرکٹ میں یہ کارنامہ انجام دینے والے چوتھے پاکستانی بلے باز بن گئے۔
بابر اعظم، محمد رضوان اور شان مسعود بھی ایک سال میں 1500 رنز بنا چکے ہیں، بابر اعظم نے یہ کارنامہ 2019، 2021 اور 2024 میں 3 مرتبہ انجام دیا۔
محمد رضوان نے یہ سنگ میل 2021 اور 2022 میں جبکہ شان مسعود نے 2022 میں حاصل کیا۔
صاحبزادہ فرحان رواں سال پشاور ریجن اور اسلام آباد یونائیٹڈ کے لیے ٹی ٹوئنٹی کرکٹ میں پاکستان کی نمائندگی کر چکے ہیں۔
مزید پڑھیں:وفاقی حکومت کی جانب سے افسران کے تقرر و تبادلے
