واشنگٹن/نئی دہلی (مانیٹرنگ ڈیسک)امریکہ اور بھارت کے تعلقات میں نئی پیشرفت کی خبریں آ رہی ہیں ۔

تفصیلات کے مطابق امریکہ اور بھارت کے تجارتی تعلقات میں نیا موڑ آیا ہے جس کے باعث ٹرمپ اور مودی میں جلد رابطہ متوقع ہے۔

نجی اخبار کے مطابق امریکی صدر ڈونلڈ ٹرمپ نے کہا ہے کہ ان کی انتظامیہ بھارت کے ساتھ تجارتی رکاوٹوں پر بات چیت جاری رکھے ہوئے ہے اور وہ آئندہ چند ہفتوں میں نریندر مودی سے گفتگو کریں گے۔ٹرمپ نے امید ظاہر کی کہ جلد ہی دونوں ممالک کے درمیان تجارتی معاہدہ طے پا جائے گا۔

دوسری جانب بھارتی وزیر اعظم نریندر مودی نے بھی اپنے پیغام میں کہا کہ بھارت اور امریکا قریبی دوست اور قدرتی شراکت دار ہیں، اور دونوں فریقین کی ٹیمیں بات چیت کو جلد مکمل کرنے کی کوشش کر رہی ہیں۔ یہ بیانات حالیہ سفارتی کشیدگی کے بعد دونوں ملکوں کے تعلقات میں نئی شروعات کی علامت سمجھے جارہے ہیں ۔ اس نئی پیشرفت کے بعد بھارتی سٹاک مارکیٹ میں 0.5 فیصد اضافہ ریکارڈ کیا گیا۔

مزید پڑھیں۔پنجاب حکومت کا نجی کشتیوں کو ریگولیٹ کرنے کا فیصلہ، اے سی جلالپور پیر والا عہدے سے فارغ