دبئی(اے بی این نیوز)متحدہ عرب امارات میں 5 ستمبر بروز جمعہ عید میلادالنبیؐ کے موقع پر عام تعطیل کا اعلان کر دیا گیا۔خبر ایجنسی کے مطابق وفاقی انسانی وسائل اتھارٹی نے تمام وزارتوں اور وفاقی اداروں کو اس حوالے سے سرکلر جاری کیا ہے، جبکہ موقع کی مناسبت سے قیادت، حکومت اور عوام کے ساتھ ساتھ عرب و اسلامی دنیا کو بھی مبارکباد پیش کی گئی۔

دوسری جانب وزارتِ انسانی وسائل اور ایمریٹائزیشن نے اعلان کیا ہے کہ نجی شعبے کے ملازمین کے لیے بھی 5 ستمبر کو باقاعدہ تنخواہ کے ساتھ تعطیل ہوگی۔ وزارت نے قیادت، شہریوں اور رہائشیوں کو اس بابرکت موقع پر دلی مبارکباد دی ہے۔
مزید پڑھیں: پاکستان میں آج بروز بدھ27اگست 2025 ڈالر کی تازہ ترین قیمت