لاہور( اے بی این نیوز )پاکستان تحریک انصاف (پی ٹی آئی) کے بانی اور علیمہ خان کے بھانجے شیر شاہ اور شاہ ریز خان کو شواہد پر گرفتار کر لیا گیا۔ 9 مئی 2023 کو جناح ہاؤس پر حملے کے وقت ملزم شیر شاہ سزا یافتہ مجرم حسن نیازی کے ساتھ موجود تھا۔
ذرائع کا کہنا ہے کہ شیر شاہ پہلے روپوش ہوا اور بعد ازاں 9 مئی 2023 کو بھڑکانے کے بعد لندن فرار ہوگیا، ملزم شیر شاہ دو سال سے لندن میں روپوش تھا۔
جناح ہاؤس حملے کے ملزم شیر شاہ خان اور ملزم شاہ رضا خان کو گرفتار کر لیا گیا ہے۔ ملزم شیر شاہ کے خلاف اس سے قبل 9 مئی کو حملہ کیس میں ایف آئی آر درج کی جاچکی ہے۔ ملزم شیر شاہ پر جلاؤ گھیراؤ، توڑ پھوڑ اور پولیس وین کو آگ لگانے کا الزام ہے۔
ایف آئی آر کے مطابق ملزم شیر شاہ پر 9 مئی کو پولیس اہلکاروں پر حملوں میں ملوث ہونے کا الزام ہے، شیر شاہ کی جائے وقوعہ پر موجودگی کے شواہد ویڈیو ریکارڈنگ کی صورت میں پولیس کے پاس موجود ہیں۔
شیر شاہ پہلے روپوش ہوا اور بعد میں 9 مئی 2023 کو اکسانے کے بعد لندن فرار ہو گیا۔ملزم شیر شاہ پر کئی ماہ سے ریاست کے خلاف ڈیجیٹل مہم چلانے کا بھی الزام ہے۔ ملزم کو پولیس نے 22 اگست 2025 کو پاکستان واپسی پر گرفتار کیا تھا۔
ذرائع کا کہنا ہے کہ ستمبر 2023 کی ضمنی رپورٹ میں ملزم شاہ ریز کا نام بھی شامل تھا، شاہ ریز کو 22 اگست 2025 کو عدالت میں پیش کیا گیا، ایف آئی آر کے اندراج کے بعد گرفتاری عمل میں آئی۔ انہیں شواہد کی بنیاد پر 21 اگست 2025 کو باضابطہ طور پر گرفتار کیا گیا تھا۔
مزید پڑھیں:شادی کے دعوت نامے نے سرکاری ملازم کو بینک بیلنس سے محروم کر دیا
