اہم خبریں

9 مئی کیس،عمر ایوب، شبلی فراز اور زرتاج گل سمیت 108 افراد کو سزا، فواد چوہدری اور دیگر بری

فیصل آباد ( اے بی این نیوز   )فیصل آباد کی انسداد دہشت گردی کی عدالت نے 9 مئی کو دو اہم مقدمات کا فیصلہ سناتے ہوئے عمر ایوب، شبلی فراز اور زرتاج گل سمیت 108 ملزمان کو مختلف سزائیں سنائیں جب کہ بعض کو بری بھی کر دیا گیا۔

خصوصی عدالت نے حساس ادارے اور تھانہ غلام محمد آباد پر حملے میں درج مقدمات کی سماعت کے بعد فیصلہ سنایا۔ سماعت کے موقع پر عدالت کے اندر اور باہر سیکیورٹی کے سخت انتظامات کیے گئے تھے۔

فیصلے کے مطابق حساس ادارے پر حملے کے مقدمے میں 185 میں سے 108 افراد کو سزا سنائی گئی جب کہ باقی 77 افراد کو شک کا فائدہ دے کر بری کر دیا گیا۔

تھانہ غلام محمد آباد میں درج دوسرے مقدمے میں 66 میں سے 58 افراد کو 10 سال قید کی سزا سنائی گئی، جب کہ 8 افراد کو بری کر دیا گیا۔

عدالت نے عمر ایوب، شبلی فراز اور زرتاج گل کو 10، 10 سال قید کی سزا سنائی۔ رکن قومی اسمبلی صاحبزادہ حامد رضا کو بھی 10 سال قید کی سزا سنائی گئی جب کہ جنید افضل ساہی کو 3 سال قید کی سزا سنائی گئی جو اس مقدمے کی کم ترین سزا ہے۔

عدالت نے اس مقدمے میں خیال کاسترو، فواد چوہدری اور شاہ محمود قریشی کے بیٹے زین قریشی سمیت دیگر اہم شخصیات کو بری کردیا۔

مزید پڑھیں :عمران خان کی پیٹھ میں خنجر گھونپا جا رہا ہے،فیصل واوڈا

متعلقہ خبریں