اسلام آباد (اے بی این نیوز) پاکستان کیخلاف بھارتی پروپیگنڈا بے نقاب،مودی سرکار نے جھوٹ پر مبنی کتاب شائع کر دی۔ مودی سرکار کا آپریشن سندور میں ناکامیوں پر پردہ ڈالنے کیلئے جھوٹا پروپیگنڈا جاری۔ بھارت نے مصنوعی ذہانت کے ذریعے’’ آپریشن سندور‘‘ کے عنوان سے کتاب شائع کر دی۔ کتاب کو20 بھارتی تجزیہ کاروں اور کالم نگاروں سے منسوب کیا گیا ہے جن کو ’’را‘‘ سے منسلک کیا گیا ۔ یہ کتاب117 صفحات پر مشتمل ہے جس کی ترتیب تک درست نہیں ۔
اس مضحکہ خیز کتاب کا مقصد بھارتی عوام اور عالمی برادری کو گمراہ کرکے جھوٹ کو پروان چڑھانا ہے۔یہ کتاب بھارتی سٹریٹجک سوچ کی کمزوری کو بے نقاب کرتی ہے۔ کتاب میں کسی تحقیق یا حوالہ کا ذکر بھی موجود نہیں، جو کسی سنجیدہ کتاب کی بنیادی شرط ہے۔
یہ کتاب محض فرضی الفاظ کو اکٹھا کر کے جھوٹ پر مبنی داستان پیش کرتی ہے۔ کتاب میں پہلگام فالس فلیگ آپریشن میں ہلاکتوں کی تعداد میں بھی تضاد ہے۔ کتاب میں آپریشن سندور کے دورانیے کے حوالے سے بھی تضاد ہے۔
بھارت کی سیاسی، عسکری اور سفارتی غلطیوں کا کتاب میں سرسری ذکر کیا گیا۔ کتاب میں آپریشن سندور کے دوران ہونے والے نقصانات پر کوئی سچا یا تفصیلی تجزیہ موجود نہیں۔ کتاب میں امریکی صدر ڈونلڈ ٹرمپ کے خلاف بھی انتہائی نامناسب زبان استعمال کی گئی ۔
کتاب میں اسرائیل کی کھل کر حمایت نہ کرنے کا شکوہ بھی کیا گیا ہے۔ یہ تصنیف بھارتی فوج، حکومت اور انٹیلی جنس اداروں کی ناکامیوں پر پردہ ڈالنے کی ایک ناکام کوشش ۔ یہ کتاب تلخ حقیقت ، بھارت میں آزادی اظہار اب محض ایک خواب بن چکا ہے۔
مزید پڑھیں :قاسم اور سلمان کی آمد، پارٹی میں نئی جان پڑ گئی،تیاریاں عروج پر،اہم اجلاس طلب