اسلام آباد(اے بی این نیوز)پاک بھارت کے ڈائریکٹر جنرلز ملٹری آپریشنز (ڈی جی ایم اوز) کے درمیان آج پھر رابطہ ہوگا۔ نائب وزیراعظم اسحٰق ڈار کا کہنا ہے کہ کشیدگی میں کمی کےلئے کوششیں جاری ہیں، اگلا مرحلہ مذاکرات کا ہوگا۔
تفصیلات کے مطابق نائب وزیراعظم اور وزیر خارجہ اسحٰق ڈار نے کہا کہ سندھ طاس معاہدے سے متعلق بھارت کو بھرپور جواب دے چکے ہیں۔ انہوں نے کہا کہ مناسب نہیں پانی سے متعلق پلان میڈیا پر سامنے لائیں، پاکستان کا بیانیہ اجاگر کرنے کےلئے پورا پلان تیار ہوچکا ہے۔
نائب وزیراعظم نے کہا کہ پارلیمنٹرین کا ایک وفد امریکا، دوسرا یوکے، برسلز اور فرانس جائیگا جبکہ ایک وفد روس بھی جائیگا۔ واضح رہے کہ پاکستان نے بھارتی پروپیگنڈے کے جواب میں عالمی سطح پر مہم شروع کرنے کا فیصلہ کیا ہے۔
اس اہم ٹاسک کےلئے وزیراعظم شہباز شریف نے حالیہ پاک بھارت کشیدگی کے بعد چیئرمین پیپلزپارٹی بلاول بھٹو زرداری کو عالمی سطح پر پاکستان کا ’امن کا مؤقف‘ پیش کرنیکا ٹاسک دے دیا ہے۔
مزید پڑھیں: کوئٹہ میں 320 گرام تندوری روٹی کی قیمت 30 روپے مقررکردی گئی
