اسلام آباد( اے بی این نیوز)عوام کو ایک اور جھٹکا ، حکومت نے ملکی تاریخ کا سب سے زیادہ پٹرولیم لیوی کا بوجھ عوام پر ڈال دیا۔پیٹرولیم لیوی میں 8 روپے 2 پیسے فی لیٹر کا اضافہ کیا گیا، جس کا اطلاق آج سے ہو گا، حکومت پیٹرول اور ڈیزل پر 70 روپے فی لیٹر پیٹرولیم لیوی وصول کر رہی تھی، نوٹیفکیشن کے بعد پٹرول پر لیوی 78 روپے 2 پیسے فی لٹر ہو گئی۔

ہائی اسپیڈ ڈیزل پر لیوی 77 روپے ایک پیسے، مٹی کے تیل پر پٹرولیم لیوی 7 روپے 99 پیسے اور لائٹ ڈیزل آئل پر پیٹرولیم لیوی میں7 روپے 62 پیسے فی لیٹر کا اضافہ کیا گیا۔ذرائع کا کہنا ہے کہ حکومت نے پیٹرولیم قیمتیں برقرار رکھ کر لیوی کی شرح میں ایڈجسٹ کر دیں، لیوی میں اضافہ صدارتی آرڈیننس کے ذریعے کیا گیا، صدر مملکت کی جانب سے پٹرولیم لیوی آرڈنینس میں ترمیم کی گئی۔
مزید پڑھیں: احساس اپنا گھر اسکیم کا آغاز ،کن افراد کو قرض مل سکتا ہے ؟