کراچی ( اے بی این نیوز)پاکستان سپر لیگ 10 کا شیڈول جاری کردیا گیا۔11 اپریل سے راولپنڈی کرکٹ اسٹیڈیم میں دفاعی چیمپئن اسلام آباد یونائیٹڈ اور دو بار کی چیمپئن لاہور قلندرز کے درمیان افتتاحی میچ کھیلا جائے گا۔

6 ٹیموں کے ٹورنامنٹ میں 11 اپریل سے 18 مئی تک 34 میچز کھیلے جائیں گے جس میں لاہور کا قذافی اسٹیڈیم 13 میچوں کی میزبانی کرے گا۔ایچ بی ایل پی ایس ایل 10 کے لیے راولپنڈی کرکٹ اسٹیڈیم 13 مئی کو کوالیفائر 1 سمیت 11 میچوں کی میزبانی کرے گا۔

کراچی کا نیشنل بینک اسٹیڈیم اور ملتان کرکٹ اسٹیڈیم پانچ پانچ میچوں کی میزبانی کریں گے۔ایونٹ میں 3 ڈبل ہیڈرز بھی ہوں گے جس میں دو میچ ویک اینڈ (ہفتہ) اور ایک قومی تعطیل (یوم مئی) پر ہوگا۔
مزید پڑھیں: فواد چوہدری 9 مئی کے 5 مقدمات میں گناہ گار قرار