انقرہ (اے بی این نیوز)مصر کے شہر الغردقہ سے برطانیہ جانیوالے مسافر طیارے کو یونان کے شہر ایتھنز میں ہنگامی طور پر اتار لیا جب الغردقہ سے مانچسٹر جانیوالے ایزی جٹ طیارے کے پائلٹ کی طبعیت اچانک بگڑ جانے اور طیارے کا کنٹرول کھو دینے کے باعث ہنگامی لینڈنگ کی گئی۔
جہاز میں اچانک افراتفری سے عملے کے ارکان مشروبات کی ٹرالیاں چھوڑ کر کاک پٹ کی جانب دوڑ پڑے وہاں پائلٹ کو خراب حالت میں دیکھ کر فوری طور پر طبی مدد طلب کی گئی۔پائیلٹ کی طبیعت بگڑنے پر معاون پائلٹ نے طیارے کا کنٹرول سنبھال لیا اور اسے یونان کے شہر ایتھنز کے ایئرپورٹ پر اتار دیا۔
مسافر نے اپنا نام ظاہر نہ کرنے کی شرط پر بتایا کہ پرواز کو دو گھنٹے گزر گئے تھے، پھر اچانک انہیں کچھ گڑبڑ سی محسوس ہوئی۔ اس وقت عملہ مسافروں کو مشروبات پیش کر رہا تھا۔ اسی دوران اچانک عملے کے ارکان کاک پٹ کی جانب بھاگے۔ انہوں نے کاک پٹ میں ایک شخص گِرا ہوا دیکھا جو عجیب سی آواز نکال رہا تھا۔‘
’پہلے تو ہمیں لگا کہ مسافروں میں سے ہی کوئی شخص ہے، پھر میڈیکل ایمرجنسی کیلئے چیخ پکار شروع ہو گئی۔ اس کے بعد کچھ مسافر عملے کی مدد کیلئے کاک پٹ کی طرف دوڑ پڑے .چند لوگوں نے جب یہ بتایا گیا کہ وہ شخص جہاز کا کیپٹن تھا تو مجھ سمیت تمام مسافر پریشان ہو گئے۔‘
برطانوی ایئر لائن ’ایزی جیٹ‘ کے ایک ترجمان نے تصدیق کرتے ہوئے کہا کہ ’کل شام ایزی جیٹ کی ایک پرواز ای زی وائے 2252 کو ایتھنز کی جانب موڑنا پڑا کیونکہ کیپٹن کو طبی امداد کی ضرورت تھی۔‘ایزی جیٹ نے مسافروں سے معذرت کرتے ہوئے کہا کہ ’مسافر آج مانچسٹر کے لیے اپنا سفر کریں گے۔‘تاہم جہاز کے پائلٹ کی صحت سے متعلق ابھی تک مزید تفصیلات جاری نہیں کی گئیں۔
ایران نے اے آئی ٹیکنالوجی سے لیس کروز میزائل تیارکرلیا،ایرانی بحریہ کمانڈر ایڈمرل علی رضا تنگسیری
