لندن میں شریف فیملی کے ارکان کو نامعلوم افراد کی طرف سے پرتشدد حملےکا خطرہ ظاہر کیا گیا ہے۔ قابل اعتماد ذرائع نے دعویٰ کیا ہےکہ میٹ پولیس نے شریف فیملی ارکان کو خطرے کے حوالے سے خبردار کردیا ۔
ذرائع کے مطابق ویسٹ مڈلینڈز پولیس نے لندن کی میٹرو پولیٹن پولیس کو ممکنہ حملےکے خطرے سے آگاہ کیا۔ ویسٹ مڈلینڈز پولیس کو حملے سے متعلق اطلاع انٹیلی جنس مانیٹرنگ سسٹم سے ملی۔ذرائع کے مطابق اسکاٹ لینڈ یارڈ کے افسران نے ایون فیلڈ فلیٹ میں جا کر شریف فیملی کے ارکان کو خطرے سے آگاہ کردیا ہے۔
ذرائع کا کہنا ہےکہ پولیس نے شریف فیملی کے ارکان سے کہا ہےکہ وہ چوکنا رہیں اور آنے جانے میں احتیاط برتیں۔یاد رہے کہ دو ہفتہ قبل گلفام حسین کو پولیس نے ایون فیلڈ کے باہر سے گرفتار کیا تھا، جس کے بعد اسے فلیٹس کے قریب آنے سے منع کردیا گیا تھا۔
ذرائع نے بتایا ہےکہ گلفام حسین کی گرفتاری کا ویسٹ مڈلینڈز پولیس کے انتباہ سے تعلق نہیں ہے۔شریف خاندان کے بیشتر افراد اب پاکستان منتقل ہوچکے ہیں۔ شریف خاندان نے حملے کے خطرے سے متعلق رابطہ کرنے پر کوئی جواب نہیں دیا۔
نئی امریکی حکومت بنتے ہی پاکستان کی امداد بند، امدادی پروگرام 90 روز کیلئے معطل کردیا
