راولپنڈی (نیوز ڈیسک )راولپنڈی میں موسلادھار بارش کے بعد رین ایمرجنسی کا نفاذکردیا گیا، سڑکیں ندی نالوں کا منظر پیش کرنے لگیں۔
نالہ لئی میں گوالمنڈی کے مقام پر پانی کی سطح 13 فٹ ہوگئی، ندیم کالونی اور جاوید کالونی کے مکینوں کو الرٹ کردیا گیا۔نشیبی علاقوں کے مکینوں کو محفوظ مقام پر منتقل ہونےکی ہدایت جاری کردی گئی، نالہ لئی پر خطرے کے سائرن بجا دیئے گئے۔
دریں اثناء صوابی میں تیز بارشوں کے باعث ندی نالوں میں طغیانی آگئی، مختلف واقعات میں 3 افراد جاں بحق ہوگئے۔علاوہ ازیں مظفر آباد، دھیر کوٹ اور باغ میں بھی بارش ہوئی ہے۔ لاہور اور گردونواح میں وقفے وقفے سے بارش کا سلسلہ جاری ہے۔
مزید پڑھیں: ژوب میں شدید زلزلے کے جھٹکے،شہری کلمہ طیبہ کا ورد کرتے ہوئے گھروں سے باہر نکل آئے
