اسلام آباد (نیوزڈیسک) خیبر پختونخواہ، بالائی پنجاب میں گرج چمک کیساتھ بارش کا امکان جبکہ کشمیراور گلگت بلتستان میں بارش اور پہاڑوں پر مزیدبرفباری متوقع ہے ، محکمہ موسمیات کےمطابق ملک کے بیشتر میدانی علاقوں میں موسم سرد اور خشک رہے گا۔رپورٹ کے مطابق گزشتہ 24 گھنٹے کے دوران بالائی خیبر پختونخوا، کشمیر، گلگت بلتستان، اسلام آباد اور پنجاب میں کہیں کہیں بارش اور پہاڑوں پر برفباری جاری رہی جبکہ ملک کے دیگر علاقوں میں موسم سرد رہا ہے۔ضلع حویلی ، باغ، فاروڈ کہوٹہ، جبی سیداں، کالا مولا، بھیڈی ، ہلاں ،کیلر میں برفباری ریکارڈ ،

سب سے زیادہ بارش راولا کوٹ 7، مظفر آباد 6، گڑھی دوپٹہ 2، سیدو شریف 4، دیر 3، کالام ایک، مری 4، اٹک 3، اسلام آباد 2، فیصل آباد، خانیوال، اوکاڑہ اور ٹوبہ ٹیک سنگھ میں بھی ایک ملی میٹر بارش ریکارڈ کی گئی۔گزشتہ 24 گھنٹے کے دوران مالم جبہ 6، مری ایک اور سکردو میں ہلکی برفباری ریکارڈ، ہفتہ کو ریکارڈ کئے گئے کم سے کم درجہ حرارت کی رپورٹ کے مطابق لہہ میں درجہ حرارت منفی 14، زیارت منفی 11، استور ، کالام منفی 9، گوپس منفی 8، ہنزہ منفی 7، مالم جبہ، سکردو منفی 6، قلات منفی 5، کوئٹہ، بگروٹ منفی 4 اور مری میں منفی 3 ڈگری سینٹی گریڈ ریکارڈ کیا گیا ہے۔