راولپنڈی(نیوزڈیسک) سابق تحصیلدار نجف حمید کو کرپشن کے کیس میں گرفتار کرلیا گیا۔محکمہ انسداد رشوت ستانی نے راولپنڈی کی عدالت سے نجف حمید کو گرفتار کیا۔
وہ محکمہ انسداد رشوت ستانی کو ایک مقدمہ میں مطلوب تھے اور انہوں نے ضمانت قبل از گرفتاری کرا رکھی تھی۔نجف حمید کیخلاف کیس کی سماعت ہوئی۔

نجف حمید تاخیر سے عدالت پہنچے تو عدالت نے ان کی عبوری ضمانت کی درخواست مسترد کردی۔محکمہ انسداد رشوت ستانی کا عملہ نجف حمید کو حراست میں لے لیا۔ نجف حمید کو کل جسمانی ریمانڈ کیلئے عدالت پیش کیا جائے گا۔

نجف حمید سابق ڈی جی آئی ایس آئی جنرل ریٹائرڈ فیض حمید کے بڑے بھائی ہیں۔ محکمہ اینٹی کرپشن چکوال میں ان کیخلاف فراڈ سیکشن 420.468 اور 471 کے تحت مقدمہ درج ہے۔