اسلام آباد(نیوزڈیسک)سینیٹ آف پاکستان کی خالی ہونے والی6 نشستوں پر ضمنی الیکشن کیلئے پولنگ جاری ۔اسلام آباد سے ایک، سندھ سے دو اور بلوچستان سے 3 خالی نشستوں پر آج الیکشن ہو رہے ہیں۔پولنگ کا آغاز صبح 9 بجے ہوا جو شام 4 بجے تک جاری رہے گا۔
سینیٹ آف پاکستان کی نشست کیلئے اسلام آباد سے سنی اتحاد کونسل کے الیاس مہربان اور پیپلز پارٹی کے یوسف رضا گیلانی امیدوار ہیں، اسلام آباد کی نشست کیلئے قومی اسمبلی میں ووٹنگ جاری ہے ۔
سندھ سے ضمنی الیکشن میں جام سیف اللہ خان اور محمد اسلم ابڑو امیدوار جبکہ سنی اتحاد کونسل کے نذیر اللہ اور شازیہ سہیل بھی سندھ سے سینیٹ کے امیدوار کے طور پر سامنے آئے ہیں۔دوسری جانب سینیٹ ضمنی الیکشن سے ایم کیو ایم اور جماعت اسلامی نے بائیکاٹ کردیا۔
مزید یہ بھی پڑھیں:نیوزی لینڈ کرکٹ ٹیم کا دورہ پاکستان، راولپنڈی 3 میچز کی میزبانی کیلئے تیار
بلوچستان سے سینیٹ کی 3 جنرل نشستوں پر ضمنی انتخابکیلئے 7 امیدوار میدان میں ہیں۔پیپلز پارٹی کے عبدالقدوس بزنجو اور مسلم لیگ ن کے دوستین ڈومکی امیدواروں میں شامل، جے یو آئی ف کے عبدالشکور خان اور باپ کے کہدہ بابر اور مبین خلجی بھی امیدوار ہیں۔دو امیدوار سید محمود شاہ اور میر حربیار ڈومکی بھی آزاد حیثیت سے الیکشن میں حصہ لے رہے ہیں۔
سینیٹ کی 6 نشستیں یوسف رضا گیلانی، مولانا عبدالغفورحیدری، نثارکھوڑو، جام مہتاب، پرنس احمد عمر اور سرفرازبگٹی کے مستعفی ہونے کے بعد خالی ہوئی تھیں۔
