نئی دہلی(نیوزڈیسک) ہندوستانی فضائیہ کا مقامی طور پر تیار کیا گیا لڑاکا طیارہ تیجس مغربی ریاست راجستھان میں گر کر تباہ ہو گیا، تقریباً آٹھ سال قبل مذکورہ طیارے کو فضائیہ کے بیڑے میں شامل کیے جانے کے بعد ایسا پہلا واقعہ ہے۔
بھارتی فضائیہ کے مطابق حادثے میں پائلٹ بال بال بچ گیا ، اور گرتے طیارے سے باہر چھلانگ لگادی ۔ ہلکا لڑاکا طیارہ، جسے تیجس کہا جاتا ہے، جس کا مطلب سنسکرت میں شعلہ یا چمک ہے، کو 2016 میں ہندوستان کی جانب سے اپنے بڑے سوویت دور کے بیڑے کو جدید بنانے کی کوششوں میں طویل انتظار کے بعدائر فورس میں شامل کیا گیا تھا۔
One Tejas aircraft of the Indian Air Force met with an accident at Jaisalmer, today during an operational training sortie. The pilot ejected safely.
A Court of Inquiry has been constituted to find out the cause of the accident.— Indian Air Force (@IAF_MCC) March 12, 2024
ایئر فورس کے ایک افسر نے رائٹرز کو بتایا کہ حادثے نے دو دہائیوں سے زیادہ پہلے اپنی پہلی آزمائشی پرواز کے بعد سے جیٹ کا حفاظتی ریکارڈ توڑ دیا۔مودی نے پچھلے سال بڑے عزائم رکھے تھے کہ سالانہ دفاعی برآمدات کی مالیت 2023 کی سطح سے 2025 تک 5 بلین ڈالر تک تین گنا سے زیادہ ہو جائے اور ان کی حکومت تیجس کی برآمد کیلئے سفارتی کوششیں کر رہی ہے۔
ہندوستانی حکومت نے 2021 میں 83 تیجس طیاروں کے لیے سرکاری ملکیتی ہندوستان ایروناٹکس لمیٹڈ کو 6 بلین ڈالر کا ٹھیکہ دیا تھا۔تیجس کو ڈیزائن اور دیگر چیلنجوں نے گھیر لیا ، اور ایک بار ہندوستانی بحریہ نے اسے بہت بھاری سمجھ کر مسترد کر دیا تھا۔
مزید یہ بھی پڑھیں:ستاروں کی روشنی میں آج بروز بدھ13مارچ 2024 آپ کا دن کیسا رہے گا ؟؟
