مظفرآباد( اے بی این نیوز) آزاد کشمیر میں بارش اور پہاڑوں پر برفباری کا نیا سلسلہ شروع ، جسکے باعث وادی لیپہ اور وادی نیلم کے جنگلات میں کئی دنوں سے لگی آگ بجھ گئی ہے،بارش سے آزاد کشمیر میں جاری خشک سالی بھی ختم ہوگئی ہے،بارش اور برفباری کے باعث آزاد کشمیر کے شہری اور دیہی علاقےسردی کی لپیٹ میں ہیں،وادی لیپہ، وادی نیلم اور جہلم ویلی کی بلند چوٹیوں نے برف کی سفید چادر اوڑھ لی ہے، جبکہ فضا میں چھائی آلودگی کے بادل چھٹ گئے ہیں،موسم سرد ہونے کے بعد مظفرآباد شہر اور نواحی علاقوں میںٹھنڈی ہوائیں چل رہی ہیں، سردی میں اضافے نے شہریوں کی مشکلات بڑھا دی ہیں۔