Your theme is not active, some feature may not work. Buy a valid license from stylothemes.com

اسلام آباد خود کش حملے کی تحقیقات کیلئے ایس پی سی ٹی ڈی کی سربراہی میں جے آئی ٹی قائم

اسلام آباد(نیوزڈیسک)وفاقی دارالحکومت اسلام آباد میں گزشتہ روز ہونے والے خودکش حملے کی تحقیقات کیلئے جے آئی ٹی قائم کردی گئی، جس کا نوٹیفکیشن بھی جاری کردیا گیا۔چیف کمشنر اسلام آباد کی جانب سے جے آئی ٹی کا نوٹیفکیشن جاری کیا گیا۔نوٹیفکیشن کے مطابق ایس ایس پی سی ٹی ڈی اسلام آباد جے آئی ٹی کے چیئرمین ہوں گے، جے آئی ٹی میں آئی ایس آئی کا گریڈ 18 کا افسر بطور رکن شامل ہوگا۔اعلامیے کے مطابق جے آئی ٹی میں انٹیلی جنس بیورو کا گریڈ 18 کا افسر بھی شامل ہوگا، ایس ایچ او سی ٹی ڈی اور تفتیشی افسر جے آئی ٹی کی معاونت کریں گے۔