کراچی (نیوزڈیسک)محکمہ موسمیات نے پیش گوئی کی ہے کہ رمضان المبارک کا چاند 22 مارچ کو نظر آسکتا ہے۔محکمہ موسمیات نے رمضان المبارک کے چاند کے حوالے سے پیشگوئی کردی اور بتایا کہ پاکستان میں رمضان کا چاند 22 مارچ یعنی 29 شعبان کو نظر آ سکتا ہے۔محکمہ موسمیات کا کہنا تھا کہ تمام پیرامیٹرز مثبت ہیں اگر مطلع صاف رہا تو چاند نظر آجائے گا اور یکم رمضان 23 مارچ بروز جمعرات کو پہلا روز ہوگا۔چیف میٹرولوجسٹ سردار سرفراز نے بتایا کہ 22 مارچ 29 شعبان المعظم کو چاند نظر آنے کا قوی امکان ہے، اور پہلا روزہ 23 مارچ بروز جمعرات کو ہوسکتا ہے، لیکن اس کے لئے مطلع صاف ہونا شرط ہے۔