Ministry of Foreign Affairs Pakistan نے کہا ہے کہ پاکستان مشرق وسطیٰ کشیدگی کم کرنے اور خطے میں امن و استحکام کے قیام کیلئے فعال سفارتی کردار ادا کر رہا ہے۔ ترجمان دفتر خارجہ طاہر حسین اندرابی نے ہفتہ وار بریفنگ کے دوران خطے کی موجودہ صورتحال، پاک چین تعلقات اور کشمیر سمیت مختلف امور پر پاکستان کا مؤقف واضح کیا۔
ترجمان کے مطابق وزیر داخلہ نے حالیہ دنوں میں Iran کے دو اہم دورے کیے جہاں ایرانی قیادت کے ساتھ سیکیورٹی، دو طرفہ تعلقات اور خطے کی صورتحال پر تفصیلی بات چیت ہوئی۔ انہوں نے کہا کہ پاکستان خطے میں کشیدگی کم کرنے اور سفارتی روابط کو فروغ دینے کیلئے مسلسل کوششیں کر رہا ہے۔
طاہر حسین اندرابی نے پاک چین تعلقات پر گفتگو کرتے ہوئے کہا کہ China نے ہر مشکل وقت میں پاکستان کا ساتھ دیا اور دونوں ممالک کے درمیان تجارت، تعلیم، صنعت اور عوامی روابط میں مضبوط شراکت داری موجود ہے۔ انہوں نے کہا کہ سفارتی تعلقات کے 75 سال مکمل ہونے پر دونوں ممالک لازوال دوستی کے عزم کا اعادہ کر رہے ہیں۔
ترجمان دفتر خارجہ نے بتایا کہ وزیراعظم کے آئندہ دورہ چین کے دوران بزنس ٹو بزنس کانفرنس، اہم ملاقاتیں اور مختلف شعبوں میں تعاون بڑھانے پر بات ہوگی۔ وزیراعظم کی چینی صدر Xi Jinping اور وزیر اعظم لی چیانگ سے ملاقاتیں بھی شیڈول کا حصہ ہیں۔
انہوں نے بھارت پر تنقید کرتے ہوئے کہا کہ India خطے میں دہشت گردی اور کشیدگی کو ہوا دے رہا ہے جبکہ مقبوضہ کشمیر میں انسانی حقوق کی خلاف ورزیاں مسلسل جاری ہیں۔ ترجمان نے 21 مئی کے واقعے میں شہید ہونے والے کشمیریوں کو خراج عقیدت بھی پیش کیا۔
بریفنگ کے دوران سعودی عرب اور یو اے ای کی فضائی حدود میں ڈرون حملوں کے واقعات پر بھی تشویش کا اظہار کیا گیا۔ دفتر خارجہ کے مطابق ایٹمی تنصیبات کو نشانہ بنانا عالمی قوانین کی سنگین خلاف ورزی ہے اور پاکستان نے ان واقعات کی سخت مذمت کی ہے۔
