صوبائی دارالحکومت Lahore میں اچانک ہونے والی تیز بارش اور ژالہ باری نے موسم کا رنگ ہی بدل دیا، جبکہ گرمی سے پریشان شہریوں نے ٹھنڈی ہواؤں اور بارش کا خوب لطف اٹھایا۔ شہر کے مختلف علاقوں میں بارش کے بعد سڑکیں پانی سے بھر گئیں اور کئی مقامات پر ٹریفک کی روانی بھی متاثر ہوئی۔
شہر کے مصروف ترین علاقوں کلمہ چوک، لبرٹی چوک، ریلوے اسٹیشن اور گرد و نواح میں موسلا دھار بارش ریکارڈ کی گئی، جبکہ بعض علاقوں میں ژالہ باری نے موسم کو مزید خوشگوار بنا دیا۔ شہریوں کی بڑی تعداد گھروں، دفاتر اور گاڑیوں سے بارش کی ویڈیوز بنا کر سوشل میڈیا پر اپ لوڈ کرتی رہی، جہاں “لاہور ویدر” اور “رین ان لاہور” جیسے ٹرینڈز تیزی سے مقبول ہونے لگے۔
ٹرمپ کا تاریخی دورۂ چین، ریڈ کارپٹ استقبال نے دنیا کی توجہ بیجنگ پر مرکوز کر دی
بارش شروع ہوتے ہی کئی علاقوں میں بجلی کی آنکھ مچولی بھی دیکھنے میں آئی، جبکہ ٹریفک جام کے باعث شہریوں کو مشکلات کا سامنا کرنا پڑا۔ اس کے باوجود نوجوانوں اور بچوں کی بڑی تعداد بارش میں نہاتی اور موسم انجوائے کرتی دکھائی دی۔ فوڈ اسٹریٹس اور کیفے ایریاز میں بھی رش بڑھ گیا جہاں شہریوں نے خوشگوار موسم سے لطف اٹھایا۔
محکمہ موسمیات کے مطابق آئندہ 24 گھنٹوں کے دوران Lahore اور گرد و نواح میں وقفے وقفے سے مزید بارش کا امکان ہے۔ ماہرین موسمیات کا کہنا ہے کہ مغربی ہواؤں کا نیا سلسلہ پنجاب کے مختلف علاقوں کو متاثر کر رہا ہے، جس کے باعث مزید بارشیں متوقع ہیں۔
