اسلام آباد میں اہم سفارتی سرگرمیوں( iram ,america ) کے حوالے سے تیاریاںمکمل ہیں جہاں دوسرے مرحلے کے مذاکرات کے لیے مکمل انتظامات کر لیے گئے ہیں۔ ذرائع کے مطابق غیر ملکی وفود کی آمد کے پیش نظر سیکیورٹی کو غیر معمولی سطح تک بڑھا دیا گیا ہے اور ہر ممکن حفاظتی اقدام یقینی بنایا گیا ہے تاکہ مہمانوں کو محفوظ اور پر اعتماد ماحول فراہم کیا جا سکے۔
وزارتِ داخلہ کے مطابق یہ مذاکرات خطے میں بڑھتی ہوئی کشیدگی کے تناظر میں نہایت اہمیت اختیار کر گئے ہیں۔ پاکستان کی جانب سے واضح کیا گیا ہے کہ وہ ایران اور امریکہ کے درمیان جاری تنازع کو مذاکرات کے ذریعے حل کرنے کا خواہاں ہے اور اس سلسلے میں اپنا مثبت کردار ادا کرنے کے لیے تیار ہے۔
امریکی ناکہ بندی مذاکرات میں رکاوٹ بن گئی
حکام کا کہنا ہے کہ پاکستان اور ایران کے درمیان دہائیوں پر محیط برادرانہ تعلقات نہ صرف تاریخی اہمیت رکھتے ہیں بلکہ موجودہ حالات میں بھی ان کی افادیت برقرار ہے۔ دونوں ممالک کے درمیان باہمی اعتماد اور تعاون کو مزید مضبوط بنانے پر زور دیا جا رہا ہے تاکہ علاقائی امن کو فروغ دیا جا سکے۔
مزید یہ بھی کہا گیا ہے کہ کسی بھی تنازع کا دیرپا اور پائیدار حل ہی خطے میں حقیقی استحکام اور امن کی ضمانت بن سکتا ہے۔ اسی مقصد کے تحت اسلام آباد میں ہونے والے مذاکرات کو انتہائی اہم پیش رفت قرار دیا جا رہا ہے، جہاں سفارتی سطح پر سنجیدہ کوششیں جاری ہیں۔
اسلام آباد مذاکرات،پاکستان ایران تعلقات،خطے کا امن،سفارتی کوششیں،عالمی تنازع،امن مذاکرات،سیکیورٹی انتظامات،پاکستانی مؤقف
