Your theme is not active, some feature may not work. Buy a valid license from stylothemes.com

باڑ کی مرمت ،افغان فورسز کی طرف سے گولہ باری ،2خواتین سمیت 10 پاکستانی شہری زخمی ہوگئے

شیخ لعل محمد(نیوز ڈیسک) پاک افغان سرحدی علاقےکلی شیغ لعل محمد کے علاقے میں افغان فورسز کی طرف سے پھر گولہ باری ، جس کے نتیجے میں2خواتین سمیت 10 پاکستانی شہری زخمی ہوئے،افغان بارڈر فورسز نے جان بھوج کرشہری آبادی کو نشانہ بنایا،واقع باڑ کی مرمت میں مداخلت پر آیا۔جمعرات کو سکیورٹی حکام کے مطابق پاک افغان بارڈرکلی شیخ لعل محمد میں پاکستانی اورافغان بارڈرفورسز کےدرمیان جھڑپیں ہوئی ہیں جس میں افغان فورسز کی جانب سے شہری آبادی کو دوبارہ نشانہ بنایا گیا ہے۔ لیویز حکام نے بتایا کہ بوغرا اورکسٹم ہاؤس کے علاقے میں آرٹلری کے متعدد گولےگرے جس کے بعد شہریوں کو مال روڈ، بوغرا روڈ، بائی پاس اوربارڈر روڈ خالی کرنےکی ہدایت کی گئی ہے جب کہ ڈی ایچ کیو اسپتال چمن میں ہنگامی حالت نافذ کردی گئی ہے ۔حکام کے مطابق شیخ لعل محمد سیکٹرمیں باڑکی مرمت پر افغان فورسز کی مداخلت پر تصادم شروع ہوا جس دوران بارڈر شاہراہ کے قریب گولا گرنے سے ایک موٹرسائیکل سوار زخمی ہوا ہے جب کہ گھروں میں متعدد گولے گرنے سے 2 خواتین سمیت 10 افراد زخمی ہوئے۔پولیس کے مطابق علاقے میں کشیدگی کے باعث بارڈر روڈ، مال روڈ اور بوغرا روڈ پرشدید ٹریفک جام ہے جب کہ کسٹم ہاؤس اور کراچی کوچ ٹرمینل خالی کرالیا گیا ہے۔