اسلام آباد ( اے بی این نیوز )سالانہ بنیادوں پر مہنگائی بڑھنے کی شرح 1.02 فیصد رہی۔ ادارہ شماریات نے مہنگائی پر ہفتہ وار رپورٹ جاری کر دی۔ رپورٹ کے مطابق
گزشتہ ہفتے 13 اشیا ضروریہ کی قیمتوں میں اضافہ ہوا۔ 16 اشیا ضروریہ کی قیمتوں میں کمی اور22 کی قیمتیں مستحکم رہیں۔ گزشتہ ہفتے کے دوران ڈیزل فی لیٹر 6.99روپے مہنگا ہوا۔ گزشتہ ہفتے چینی کی فی کلو قیمت 2.68روپے بڑھ گئی۔
لہسن کی قیمت میں 3 روپے فی کلو اضافہ۔ نمک، پیٹرول، سیگریٹ، کپڑا، خشک دودھ اور جلانے کی لکڑی بھی مہنگی ہونے والی اشیا میں شامل ۔ گزشتہ ہفتے ٹماٹر کی فی کلو قیمت 7.94 روپے کم ہو گئی۔ ایک ہفتے کے دوران آلو کی کلو قیمت 4.39 روپے کم ہوئی۔
گزشتہ ہفتے پیاز کی قیمت میں 5.19روپے فی کلو کمی ریکارڈ۔ ایک ہفتے میں برائلر مرغی کا گوشت 17.57 روپے فی کلو سستا ہو ا۔ دال چنا کی قیمت 5.93 روپے اور دال ماش کی قیمت 3.2 روپے کم ہو ئی۔ چاول،سرسوں کا تیل اور آٹا بھی سستی ہو نے والی اشیا میں شامل۔
مزید پڑھیں :ملازمین کیلئے خوشخبری،تنخواہوں میں اضافے کی منظوری دیدی گئی،جانئے کتنے فیصد اضافہ کیا گیا
