گھوٹکی (نیوز ڈیسک )ماڑی پیٹرولیم نے ضلع گھوٹکی کے قصبے دھرکی میں گیس اور تیل کے نئے ذخائر دریافت کر لیے ہیں۔
مزید پڑھیں: آج بروزپیر 22اپریل 2024 موسم کیسا رہے گا؟الرٹ جاری
ماڑی پیٹرولیم نے بتایا کہ تیل اور گیس کی دریافت سندھ کے شہر ڈھرکی میں ہوئی اور ابتدائی طور پر نئی دریافت سے 25 لاکھ مکعب فٹ یومیہ گیس حاصل ہوگی جب کہ 1040 بیرل خام تیل حاصل ہوگا۔

بیان کے مطابق ماڑی فیلڈ کے کنویں شوال ون میں تیل کے اہم ذخائر دریافت ہوئے ہیں۔ شوال 1 پر کام 27 جنوری 2024 سے شروع کیا گیا تھا۔ماری پیٹرولیم نے کہا کہ کنویں کو 1,136 میٹر کی گہرائی میں کامیابی سے کھود لیا گیا۔

ماری پیٹرولیم کے منیجنگ ڈائریکٹر (ایم ڈی) فہیم حیدر نے اس دریافت کو کمپنی کے سائنسدانوں اور انجینئروں کے لیے ایک قابل ذکر کامیابی قرار دیا۔