اسلام آباد (اے بی این نیوز) وزیراعظم Shehbaz Sharif نے جنگ بندی میں توسیع پر اہم بیان جاری کرتے ہوئے اسے سفارتی کوششوں کو آگے بڑھانے کے لیے ایک مثبت اور ضروری قدم قرار دیا ہے۔ وزیراعظم نے امریکی صدر Donald Trump کا درخواست قبول کرنے پر شکریہ ادا کیا اور کہا کہ یہ پیش رفت خطے میں کشیدگی کم کرنے میں مددگار ثابت ہو سکتی ہے۔
وزیراعظم نے کہا کہ پاکستان نے ہمیشہ امن اور استحکام کے فروغ کے لیے کردار ادا کیا ہے اور موجودہ صورتحال میں بھی اپنی ذمہ داری پوری کر رہا ہے۔ انہوں نے اس موقع پر فیلڈ مارشل Asim Munir کی جانب سے بھی صدر ٹرمپ کا شکریہ ادا کیا۔
شہباز شریف نے واضح کیا کہ پاکستان تنازع کے پرامن اور مذاکراتی حل کے لیے اپنی سنجیدہ کوششیں جاری رکھے گا اور عالمی برادری کے ساتھ مل کر کشیدگی کے خاتمے کے لیے کام کرتا رہے گا۔ انہوں نے امید ظاہر کی کہ دونوں فریق جنگ بندی کا احترام جاری رکھیں گے اور صورتحال کو مزید خراب ہونے سے بچائیں گے۔
وزیراعظم نے کہا کہ اسلام آباد میں ہونے والے مذاکرات کے دوسرے دور میں ایک جامع اور پائیدار امن معاہدے تک پہنچنے کی توقع ہے، جو خطے میں دیرپا استحکام کا باعث بن سکتا ہے۔ انہوں نے تمام فریقین پر زور دیا کہ وہ مستقل امن کے قیام کے لیے مذاکراتی عمل کو جاری رکھیں۔
انہوں نے اس عزم کا اعادہ کیا کہ پاکستان خطے میں امن کے قیام کے لیے اپنی سفارتی کوششیں جاری رکھے گا اور اسلام آباد مذاکرات کو کشیدگی کے مستقل خاتمے کی جانب ایک اہم پیش رفت سمجھتا ہے۔
