کراچی (نیوزڈیسک) پاکستان اسٹاک ایکس چینج میں کاروباری صورتحال میں تیزی دیکھنے میں آئی جبکہ ڈالر کی قدر میں کمی کا سلسلہ برقرار ، پاکستانی روپیہ مزید تگڑا ہو گیا ، اسٹاک ایکسچینج میں بھی زبردست تیزی ریکارڈ کی گئی۔جمعرات کو کاروبار کے آغاز پر انٹر بینک میں ڈالر مزید 40 پیسے سستا ہو کر 282 روپے 50 پیسے کا ہوگیا۔دوسری جانب اسٹاک مارکیٹ میں کاروبار کے آغاز پر زبردست تیزی دیکھی گئی ، پاکستان اسٹاک ایکسچینج کے 100 انڈیکس میں 320 پوائنٹس کا اضافہ ہوا جس کے بعد انڈیکس 62 ہزار 768 کی سطح پر پہنچ گیا۔گزشتہ روز کاروبار کے اختتام پر 100 انڈیکس 62 ہزار 448 پوائنٹس پر بند ہوا تھا۔