اسلام آباد(نیوزڈیسک)حکومتی گیس ایجنسی اوگرا ترجمان نے نجی ٹی وی سے گفتگو کرتے ہوئے کہا کہ ملک بھر میں گیس لوڈ شیڈنگ کے حوالے سے وضاحتی بیان جاری کرتے ہوئے کہنا تھا کہ ملک میں گیس کی کمی ہے جبکہ ڈیمانڈ زیادہ ہے۔ ملک بھر میں صارفین کو کھانے کے وقت ہی گیس فراہم کی جاسکتی ہے ۔ترجمان اوگرا کا کہنا ہے کہ غیر معیاری سیلنڈر اور ایل پی جی گیس کی لیکج حادثات کی وجوہات ہیں،گیس سیفٹی پر پچھلے سال سے مہم چلا رہے ہیں، گیس سلنڈر کو بہت احتیاط سے استعمال کرنا چاہیے۔ترجمان نے کہا کہ مارکیٹ میں ملنے والے چھوٹے سلنڈرر غیر معیاری ہیں جہاں غیرمعیاری سلنڈر بنائے جاتے ہیںوہاں ہم کارروائی کرینگے، اوگرا کی ویب سائٹ پر سلنڈرز مینوفیکچررز کی فہرست موجود ہے، گیس سلنڈر لیتے وقت اس کے مقررہ وزن کا خیال رکھیں۔ترجمان اوگرا نے مزید کہا کہ گیس پریشر پمپ کا استعمال غیر قانونی ہے، گیس کم ہے اور ڈیمانڈ زیادہ ہے اس لیے کھانے کے وقت گیس فراہمی ترجیح ہے۔