غزہ (نیوزڈیسک)غزہ میں اسرائیل کی جانب سے زمینی کارروائی کے دوران اسرائیلی فوج کا بڑا جانی نقصان کا سامنا ،افسرسمیت مزیدپانچ فوجی اہلکار ہلاک ہوگئے۔اسرائیل کی وحشیانہ کارروائیوں کی وجہ سےغزہ کھنڈرمیں بدل چکا ہے ۔اسرائیلی جارحیت کی وجہ سے27اکتوبرکےبعدسےزمینی آپریشن شروع کیا گیا جس میں القاسم بریگیڈ کے جوابی حملے جاری ، اسرائیلی فوج کا بھاری نقصان ،غزہ میں اسرائیلی فوج کومجاہدین کی جانب سےشدیدمزاحمت کاسامنا،اب تک مالی نقصان کےعلاوہ جانی نقصان بھی جاری ہے ۔ زمینی آپریشن کےدوران اسرائیلی فوج نےمزیدپانچ فوجیوں کی ہلاکت کی تصدیق کردی ہے ۔اسرائیلی افواج کے مطابق17 دسمبر اتوار کو غزہ میں زمینی آپریشن میں افسر سمیت 4 فوجی ہلاک جبکہ14 دسمبر کو زخمی ہونے والا فوجی بھی مرگیا۔اسرائیلی حکام نے بتایاکہ غزہ کے زمینی آپریشن میں مرنے والے اسرائیلی فوجیوں کی تعداد127 تک پہنچ گئی۔دوسری جانب مقبوضہ فلسطین کی مزاحمتی تنظیم حماس کے عسکری ونگ القسام بریگیڈز نے17 دسمبر کو اسرائیلی فوجی گاڑی پر حملے کی ویڈیو جاری کی ہے۔
ویڈیو میں فوجی گاڑی کو مکمل تباہ ہوتے اور اسرائیلی فوجیوں کو جھلسی ہوئی حالت میں بھاگتے ہوئے دیکھا جا سکتا ہے۔اُدھر مغربی طاقتوں کی ایما پر اسرائیل کی غزہ پر وحشیانہ بمباری جاری ہے۔ فلسطینی وزارت صحت کے مطابق آج غزہ اسرائیلی بمباری میں151 فلسطینی شہید ہوئے۔فلسطینی حکام نے بتایاکہ7 اکتوبر سے اب تک غزہ میں شہید فلسطینیوں کی تعداد 19 ہزار453 ہوگئی جبکہ زخمیوں کی تعداد52 ہزار286 ہے۔