راولپنڈی (نیوزڈیسک) شادی کی تقریب کیلئے پرانی شیروانی دینے پر شہری عدالت پہنچ گیا۔راولپنڈی کے شہری عثمان شبیر نے شادی کی تقریب کیلئے نئی شیروانی کے پیسے اداکئے جبکہ فیشن ہائوس کے مالک نے شہری کو پرانی شیروانی تھما دی جس پر شہری عثمان شبیر نے فیشن ہاؤس کے مالک کو 5 لاکھ روپے ہر جانےکا نوٹس بھیج دیا۔شہری نے 8 ستمبرکو فیشن ہاؤس کو نئی شیروانی کی تیاری کا آرڈر دیا، فیشن ہاؤس کے مالک نے نئی شیروانی تیار کرنے کیلئے 20 ہزار روپے مانگے، نئی شیروانی کی تیاری کی مد میں15 ہزار روپے بطور ایڈوانس ادا کیا۔نوٹس میں بتایا گیا ہے کہ فیشن ہاؤس کے مالک نے نئی کے بجائے پرانی شیروانی تھما دی جو پنجاب کنزیومرپروٹیکشن ایکٹ2005 کی خلاف ورزی ہے۔شہری کی درخواست پر ڈسٹرکٹ کنزیومرکورٹ نے فیشن ہاؤس کے مالک کو نوٹس جاری کرتے ہوئے 2 جنوری کو طلب کر لیا ہے۔
