اسلام آباد(نیوزڈیسک) ایشیائی ترقیاتی بینک (اے ڈی بی) نے معیشت کی بحالی کیلئے متعدد منصوبوں کی تکمیل اور سیلاب سے متاثرہ علاقوں کی تعمیر نو کیلئے پاکستان کو 65 کروڑ 88 لاکھ ڈالر قرضے کی منظوری دیدی۔اعلامیے کے مطابق منصوبے پائیدار گروتھ اینڈ ڈویلپمنٹ کے اہداف کے حصول کیلئے منظور کیے گئے۔ قرضے کی رقم مقامی وسائل کو بروئے کار لاتے ہوئے سیلاب سےمتاثرہ سکولوں کی تعمیر نو اور زرعی پیداوار کو بہتر بنایا جائے گا۔ اے ڈی بی کی جانب سے 30 کروڑ ڈالر امپرووڈ ریسورس موبلائزیشن اینڈ یوٹیلائزیشن کی ریفارمز کیلئے منظور کیے جبکہ ساڑھے 27 کروڑ ڈالر کی اضافی رقم سندھ سیکنڈری ایجوکیشن کی بہتری کے لیے منظور کی گئی ہے۔اس کے علاوہ 8 کروڑ ڈالر کا رعایتی قرضہ خیبر پختونخوا فوڈ سکیورٹی سپورٹ پراجیکٹ کے لیے منظور کیا گیا ہے۔