بیجنگ(نیوزڈیسک) مشہور چینی آئی ٹی کمپنیاں بیدواورعلی بابانےآن لائن میپ سے اسرائیل کانام خارج کردیا۔تفصیلات کےمطابق اسرائیلی بمباری سےغزہ میں ہرطرف تباہی نے دنیا کو جنگ کے دہانے پر پہنچا دیا۔غیرملکی میڈیاکےمطابق آن لائن ریٹیلر چینی کمپنی علی بابا اور معروف ٹیکنالوجی کمپنی بیدو کے آن لائن نقشوں پر اب اسرائیل کا نام موجود نہیں ۔ بیدو کے آن لائن میپ سے اسرائیل کی”تسلیم شدہ“ سرحدوں کیساتھ فلسطینی علاقوں کی نشاندہی کی گئی ہے لین بیدو کے آن لائن نقشے میں ملکی شناخت کے طور پر اسرائیل کا نام موجود نہیں۔امریکی اخبار کا کہنا ہےکہ لکسمبرگ جیسے چھوٹے ملک کا نام بھی آن لائن نقشوں پر موجود لیکن اسرائیل کا نام تک مٹادیا گیا ہے ۔ چینی کمپنیوں کی جانب سے اس حوالے سےکوئی وضاحت پیش نہیں کی گئی ۔واضح رہے کہ7 اکتوبر سے جاری اسرائیلی جارحیت کے نتیجے میں اب تک ساڑھے 8 ہزار سے زائد فلسطینی شہید ہو چکے ہیں۔
تیل کی قیمتیں بڑھ گئیں،جا نئے کتنا اضافہ ہوا
2 گھنٹے پہلے
