آگرہ(نیوزڈیسک)بھارتی سیاستدان اور بی جے پی رہنما مہیش بگھیل ہسپتال میں مختصر علالت کے بعد جاں بحق ہوگئے تاہم جب آنجہانی کی آخری رسومات ادا کی جا رہی تھیں تو انھوں نے اچانک آنکھیں کھول دیں۔بھارتی میڈیا کے مطابق حکمراں جماعت بھارتیہ جنتا پارٹی کے صدر مہیش بگھیل کے انتقال کرجانے کی خبر سن کر پارٹی کارکنان کیساتھ رہنما بھی جمع ہوگئے ۔مہیش بگھیل کی آخری رسومات کی تیاریاں شروع ہوگئیں۔ مہیش کو شمشان گھاٹ لے جایا گیا جہاں چتا جلانے کیلئے لوگ جمع تھے ، لکڑیاں بھی موجود تھی کہ اچانک چتا جلانے سے چند لمحے قبل مردے نے جنبش لے لی ۔جس پر اہل خانہ سمیت شرکاء کے خوشی اور حیرت زدہ کے ملے جلے جذبات دیکھنے کوملے ۔ مہیش بگھیل کو دوبارہ ہسپتال لے جایا گیا جہاں زیر علاج ہیں۔
