کراچی (اے بی این نیوز) بحیرہ عرب میں بننے والا سمندری طوفان بائیپر جوائے کراچی کے جنوب سے 600 کلومیٹر کی دوری پر پہنچ گیا،سمندری طوفان کراچکے کے جنوب میں پہنچ گیا، طوفان سندھ کے مختلف ساحلوں پر ٹکرائے گا جس کیلئے پورٹ سمیت ساحلی علاقوں میں الرٹ جاری کردیا گیا۔محکمہ موسمیات کے مطابق بائپر جوائے ٹھٹہ سے 620 اور اورماڑہ سے 690 کلومیٹر دور ہے۔ بائیپرجوائے کے 14 جون تک شمال اور مشرق کی طرف بڑھنے کے امکانات ہیں۔طوفان بائپر جوائے کی پیش قدمی، سی اے اے نے بھی الرٹ جاری کردیا۔محکمہ موسمیات نے بتایا ہے کہ طوفان 15 جون کو کیٹی بندر گاہ اور بھارتی ریاست گجرات کے ساحل سے ٹکرائے گا۔ ٹھٹہ، سجاول، بدین، تھرپارکر اور عمرکوٹ میں کل سے 17 جون کو موسلادھار بارشوں کا بھی امکان ہے۔اس حوالے سے محکمہ موسمیات نے خبردار کیا ہے کہ ماہی گیر 17 جون تک کھلے سمندر میں جانے سے گریز کریں۔ کیٹی بندر میں طوفان ٹکرانے کے دوران 8 سے 12 فٹ بلند لہریں اٹھنے کا امکان ہے۔طوفان بائپر جوائے شدت اختیار کر گیا، ٹھٹھہ اور بدین کے اسپتالوں میں ایمرجنسی نافذ۔سمندری طوفان کے خدشے کو مدِ نظر رکھتے ہوئے سائن بورڈ اور بل بورڈ سمیت دیگر اشتہاری مواد ہٹانے کا حکم دیدیا۔