لاہور(نیوزڈیسک)ماہر قانون اعتزاز احسن نے پریس کانفرنس کرتے ہوئے کہا کہ لبرٹی سے کورکمانڈر ہاؤس تک اڑھائی گھنٹے میں کوئی رکاوٹ نہیں تھی،آئی جی پنجاب کو پکڑنا چاہیے کہ رکاوٹیں کہاں تھیں۔ مریم نواز، خواجہ آصف، رانا ثنا اللہ کے لہجے اور کلام کا مقصد کیا تھا؟انہوں نے سوالیہ لہجے میں کہاکہ کیاان کا مقصد چیف جسٹس کو ہٹانا نہیں تھا؟ پی ڈی ایم والوں کو سوچنا چاہیے کہ یہ وہی چیف جسٹس ہیں جنہوں نے آدھی رات کو ان کیلئے عدالت لگائیں،اسی چیف جسٹس کی وجہ سے عمران خان کی حکومت گرائی گئی۔یہ لوگ اس وقت چیف جسٹس عمر عطا بندیال کے فیصلے پر ان کی تعریفوں کے پل باندھتے نہیں تھکتے تھے،عدم اعتماد میں یہ لوگ چیف جسٹس کی وجہ سے کامیاب ہوئے۔ اب چیف جسٹس عمر عطا بندیال رہ جاتے ہیں تو ان کو موت نظر آتی ہے، شہباز شریف، خواجہ آصف، رانا ثنا اللہ اور مریم نواز کی خواہش ہے ان کو نااہل کیا جائے۔
