اسلام آباد(نیوزڈیسک) ٹوئٹر اکاؤنٹ کے تصدیق شدہ ہونے کی علامت بلیک ٹک کیلئے ٹوئٹر کے مالک اور دنیا کے امیرترین لوگوں میں شامل ایلون مسک نے بلیک ٹک کیلئے مفت سروس ختم کرنے کا اعلان کرتے ہوئے فیس کا اعلان کیا تھا۔سماجی رابطے کی سروس ٹوئٹر کی مفت سروس ختم ہونے کے بعد عمران خان ، نوازشریف سمیت دیگر مشہور شخصیات بلیک ٹک سے محروم ہوگئیں۔ٹوئٹر کی مفت بلیو ٹک سروس ختم ہونے کے بعد ٹوئٹر پر 19 ملین سے زائد فالوورز رکھنے والے پی ٹی آئی چیئرمین عمران خان ، سابق وزیراعظم میاں محمد نوازشریف ،مریم نواز ،شہبازشریف بھی بلیو ٹک سے محروم ہوگئے۔چئیرمین پی ٹی آئی عمران خان کے ٹوئٹر پر19 ملین سے زائد فالوورز ہیں۔جن دیگر مشہور شخصیات کو بلیو ٹک سے ہاتھ دھونے پڑے ان میں سابق کرکٹر شاہد آفریدی، بابر اعظم، شاہین شاہ آفریدی اور دیگر شامل ہیں۔مشہور عالمی شخصیات میں بھارت کے سابق اسٹار کرکٹر ویرات کوہلی، کرسٹیانو رونالڈ کے اکاؤنٹس سے بھی بلیو ٹک غائب ہوگیا ہے۔بلیک ٹک کے حامل عام صارفین بھی ایلون مسک کو اس فیصلے پر تنقید کا نشانہ بنا رہے ہیں اور اس سلسلے میں مزاحیہ پیغامات بھی ٹوئٹر پر ہی شیئر کئے جارہے ہیں۔گزشتہ ماہ ٹوئٹر کی جانب سے یکم اپریل سے تصدیق شدہ اکاؤنٹس سے ’بلیو ٹک‘ ہٹانے کا سلسلہ شروع کرنے کا اعلان بھی کیا گیا تھا۔ گزشتہ سال کے آخر میں ٹوئٹر کی جانب سے سبسکرپشن سروس ٹوئٹر بلیو کو پاکستان سمیت دنیا بھر میں متعارف کرا دیا گیا تھا جہاں صارفین کو ماہانہ فیس کے عوض ٹوئٹر اکاؤنٹ پر بلیو ٹِک برقرار رکھنے اور لینے کے بارے میں بتایا گیا تھا۔ پاکستان میں ٹوئٹر بلیو کی سبسکرپشن فیس ماہانہ 2250 روپے رکھی گئی ہے جبکہ دنیا کے دیگر ملکوں میں یہ 8 سے 11 ڈالرز کے درمیان ہے۔ ٹوئٹر بلیو سروس لینے والے صارفین کو بلیو ٹِک کے ساتھ طویل دورانیے کی ویڈیوز، 4 ہزار حروف کے ٹوئٹس اور انہیں ایڈٹ کرنے سمیت متعدد نئے آپشن فراہم کیے جائیں گے۔
