کراچی ،اسلام آباد،لاہور،پشاور،کوئٹہ،گلگت(نیوزڈیسک) پاکستان بھر میں عید الفطر آ ج مذہبی عقیدت و احترام کے ساتھ منائی جائیں گی۔عید کے موقع پر ملک بھر میں سیکورٹی ہا ئی الڑٹ رہے گی ،ملک کے دارالحکومت اسلام آباد میںعید الفطر کے لئے سیکیورٹی پلان ترتیب دے دیا گیا۔ترجمان اسلام آباد پولیس کے مطابق 3500 سے زائد اسلام آباد پولیس کے اہلکار سکیورٹی کے فرائض انجام دیں گے۔ ترجمان پولیس کا کہنا ہے کہ فیصل مسجد میں خصوصی نفری تعینات کی گئی ہے۔پولیس کے ساتھ پاکستان رینجرز اور ایف سی اہلکار بھی سکیورٹی ڈیوٹیاں سرانجام دیں گے۔ترجمان کا کہنا ہے کہ شہریوں کے جان ومال کے تحفظ کیلئے اسلام آباد پولیس تمام تر ضروری اقداما ت بروئے کار لا رہی ہے، فرائض میں غفلت کسی صورت برداشت نہیں کی جائے گی۔